Thirikari niikanjite miaranirio iria itarikite ya mbei ya thitima iria iratanyite kunyivia thogora wa thitima vururiri uyu.
Iri ni ikinyo riocetwe vuva wa mendekithia kuvecanwa ni kamiti iria byacagurirwe ni rais ya kuroria ringi witikaniria wa mbei ya kurivira thitima gatagati ka andu kiumbe aria onjoria thiini wa ruvua ruru rwa energy na kambuni ya thitima Kenya Power.
Umunthi uyu minister wa ugitiri wa ndari ya vururi Dr Fred Matiang’i niucemanitie na board ya Kenya Power na arungamiriri anene wa vamwe na andiki akaru thiini wa mbonge cia energy na rwa kigina niguo kuthondeka mutaratara muceru wa kunyivia marivi ma thitima.
Kavindari wa kau, andu ama aria marari mucemaniori uyu nimetikaniritie gwika uthuthuria wa kimbeca niguo kumenya kiria gitumite marivi ma thitima kwongererwa na njira nene uguo na wavo mbeca iria ciirikite niciurite thiini wa kambuni ino ya Kenya Power.
Kunari uguo Matiang’i niwiriririte thogora wa maguta kuthii nthi thiini wa rianirira riu ringi ria ruvonge rwa kuramata thogora wa maguta EPRA, ndeto iria igekika kiumia giuki Aramici.
Mbica irutitwe online
-Mbuya Ngari-
