Akenya aria mamuditwe njanjo ya murimu wa covid 19 na aria magekinyagia
vururi wa UK matigakoragua makiamba kwiiga varaca na andu aria engi
kana kuvatarika kuthimua kithimi kia murimu wa covid 19 mbere ya mambiriritie
thavari, ino ni kuringana na ndumiriri iria ivecanitwe ni British High
Commissioner muthenya wa igoro.
Kuringana na mbarothi wa Kenya vurururi wa UK Manoah Esipisu ,
kuvitukira mutambo wa ukinyaniria wa kiriu wa Twitter akumitie itua riri varia
augite nirigukiriria uceri vamwe na wonjoria .
Mwerekera uyu muceru uvecanitwe , nutethereretie makiria ma mavururi 47
maria marekiritwe thiini wa red list, na aria marekinyagia kuuma mavururiri
mama maravatarikaga kwiiga varaca na andu aria engi mukwari uria uvitukitue
ni thirikari mithenya 11 na marivi ma mwigana wa ngiri 344,171.
Vururi wa Kenya wathengutirue thiini wa red list gatagati ka mweri muvituku
vuva wa gukorwa mari listiri ino vari kavida ka mieri 6 .
Wanja wa Njiru
Mbica irutitwe online
