Gicuji kia andu aria monekanite na murimu wa covid 19 vururi wa Kenya
gikinyite 2.8 vari igana vuva wa andu engi 170 kwonekana na virus cia corona ,
ino ni vuva wa ithimi 6,162 gwikwa rungu rwa mathaa 24 mavituku.
Kuringana na ndumiriri kuma ministiriri ya ugima wa mwiri namba ya andu aria
monekanite na murimu wa COVID 19 gukinyagia riu ni 250,898 varia ithimi iria
ciikitwe kuuma murimu uyu wakinya vururiri ikinyite 2,598,772.
Nambari ya umunthi akenya ni 158 nao 12 maumite nja ya vururi .
Uria munini muno ari na ukuru wa miaka 9 nake uria mukuru muno aina ukuru
wa miaka 90.Atumia ni 87 nao anduarume ni 83.
Kaunty ya Nairobi yandikithitie arurau 43 ,Kiambu 14 Kajiando 12 Nakuru 11,
Kajiado 10, Kitui 9, Meru ,Tharaka Nithi,na Uasin Gishu 6, Elgeyo Marakwet,
Garissa na , Mombasa 4, Baringo, Busia, Laikipia, Machakos, na Murang’a 3,
Bomet, Bungoma, Embu, Kakamega, Kirinyaga, Wajir, West Pokot aruari 2 wa
kaunti nacio kaunti cia , Kilifi, Kisii, Kisumu, Makueni, Marsabit, Nandi, Narok,
Nyandarua, Nyeri, Taita Taveta, Tana River and Siaya ikiandikithia muruaru
umwe wa kaunty .
Kunari uguo andu 254 nimavorete murimu uyu varia namba ya aria mavorete
gukinyagia riu ikinyite 243,591.
Aruaru 216 mararoragirirua mari miciiri nao 38 marekereretue kuuma thivitari
ngurani vururiri.
Wauguo vururi niwandikithitie gikuo kimwe kuumana na virus cia corona
umunthi noguo kwambatiria namba ya ikuo nginyagia 5,179 .
Wanja wa Njiru
Mbica irutitwe online
