Vururi wa Kenya niugite itua riria rivoketwe gukavecanwa igotiri ria kimavururi
ria kuvecana ivoto , maunduri meggie mivaka ya manji ya vururi wa Kenya na
Somalia rigakorua riri itua riumanite na mitararata itakinyanirite .
Vururi ugite niwathengutitie itua riria riavecanitwe ni igoti riria ritigagira ati
matua ma igoti nimathikirua na ciira iria ikinyitue kuo niicicikene ni aria
mathitangitwe.
Ndumiriri ino ivecanitwe ni mwandiki mukaru ministiriri ya maundu ma nja ya
vururi Macharia Kamau wariria itua ria ciira iria yakinyitue igotiri ni vururi wa
Somalia rirevokwa gukavecanua muthenya wa Jumaine ya kiumia giukite.
Igoti riri riria rina manjanji 15 rikavecana itua ria muthia muthenya wa Jumaine
varie kwivoketwe nirikavecana uria mavururiri mama mairi mavatarite gwika.
Wanja wa Njiru
Mbica irutitwe online
