Atongoria matiganite andu akuru na mwingi niwikinyitie Iturari ria Kaptere kauntiri ya Baringo niguo kumagaria uria wari minista wa varavara Andrew Kiptoon.
Kiptoon na uria akwire tariki 2 mweri uyu ari thibitariri wa Naikuru, akoretwe akimenyekana na kwagiria ministry ya varavara wathaniri wa uria wari raisi wa vururi Daniel Moi.
Atongoria aria mekinyitie igongonari riri ni minista wa uruti wa wira Simon Chelugui, Mwandiki mukaru ruvongeri rwa uceri na nyamu cia kithaka Fred Segor, uria wari gavana wa baringo Benjamin Cheboi, mumbunge wa Eldama Ravine Moses Lessonet wa undumwe na mumbunge wa Baringo North William Cheptumo.
Engi mekinyitie igongonari riri ni vamwe na Murugamiriri wa atumia kauntiri ya Baringo Gladwell Cheruiyot na engi engi.
Mutongoria uyu akumitwe na gukorua agitethereria mwingi kuthoma wa undumwe na kuvecana mawira kuri arutwa aria marikia mathomo ma university.
Kuri andu a mucii kiptoon ndari vava wa mucii nwati nginyagia mutongoria.
Kitoon atungatire ta minista wa varavara vari kavida ka miaka iiri na nuthu kuma mwaka wa 1998-2000.
Kiptoon anatungata waringi ari mumbunge wa Baringo North kuma mwaka wa 1997-2002 na iturua nyiigi nyiingi atungatite vururi .
Mbica irutitwe online
Mwende Jackie
