Kiumia kimwe vuva wa kamiti ya kuramata ithurano na mivaka IEBC kwambiriria muvango wa kwandikithia aikia a kura aceru mevaririari ma kithurano kinene kia mwaka ukite, kuri na wagagu kamiti ino yavota kuremwa ni gukinyaniria matanya maria itanyite.
Kuringana na avitha munene uria urugamiririte muvango uyu gicigo mbunge kia manyatta, kauntiri ya Embu matiri marakinyaniria matanya maria maratanya wa kiumia .
Kumana na ugondereru wa kwiandikithia ta aikia a kura, avitha uyu niuritie mbeu mbithi kwiumiria na wingi niguo kwiandikithia.
Aciari wanao nimauritwe gutigirira nimonereria mbeu mbithi uvoro ukonie kwiandikithia ta aikia a kura.
muvango uyu ukithicaga nambere kamiti ino ya kuramata ithurano IEBC itanyite kwandikithia mbeu mbithi ngiri mirongo ithatu na atandatu kauntiri ya Embu.
Mbica irutitwe online
Mwende Jackie
