Uria warugamire Kenya macindanori ma Tokyo Olympics mita ngiri 5 mwena wa atumia Agnes Tirop niukuite. Tirop akorirue akuirite nyombari yake kuria Iten, kaunti ya Elgeyo Marakwet muthenya wa umunthi.
Kuringana na rivoti iria ikinyirite metha cia movoro ni ati arari na ngurario cia kumundwa ivuuri. Maavithaaa a vorithi vamwe na aria a kuugania uira nimekinyirie gicigori giki.
Ndeto itekiritue kirore irauga muthuri uria marikitie gutigana nake nike ugerire ngero ino.
Kiama kia mavenya guku vururiri nikio Athletics Kenya kana AK kuvitukira rais wakio Jackson Tuwei nimatariritie wagagu waao vuva ya kuamukira ndeto ino cia kieva varia maugite Kenya niyuriritie ni kiveo kinene mithakori.
AK nimathiite nambere kuuga Tirop uria wacindire nthumbi ya Silver mavenyari ma mita 10,000 nthi ngima arari umwe wa atengeri aria maraukiririte na njira nene thiini wa mavenya ma kimavururi.
Mweri muvituku Tirop niwavunjire rekodi thiini wa mavenya ma atumia kilomita 10 thiini wa igeria ria kuingira mavenyari ma Records Race kuria Germany, varia atumire ndagika 30 na sekondi imwe.
Kiumia kivituku, Tirop arikirie ari namba igiri thiini wa mavenya ma Valencia Half Marathon varia atumire ndagika 30 na sekondi 20.
Kaari wa Mugendi
Mbica irutitue online
