Ruvua rwa kuramata utheru wa maria maturigicirie Nema nimaugite ngunika maniuru na kanua kana turembeko tutecagwa kuria kwagiririkite niundu gutewa wa varia mundu aiciria ni ugwati munene na nwagutume murimu wa covid-19 gutamba makiria.
Akiaria ari mwena wa Mombasa mwenegiti wa board ya Nema John Konchellah, niuritie thirikari cionthe cia kaunti kuthondeka vandu va kuviviria turembeko tutu niguo andu matige guta kuria kuonthe maigua.
Twa turembeko tu, nwati nginya indo ciingi iria iratumirwa maoviciri, miiciri, thokori na civitariri kurua na murimu uyu wa covid-19. Konchellah augite indo cionthe inginacangira gutambia murimu uyu vuva wa kuvuthika ivatie kuvivirua vandu vakunikire nginya itwike muu.
Augite mivango nwaithiite nambere niguo kugwatanira na thirikari cia kaunti kuthondeka vandu va kuviviria indo ino kana incinerators na nginya kuthomithia mwingi vata wa guta giko giki varia vaagiririkite.
Kunari uguo, Nema yugite ni itemi ria andu onthe gutigirira maria maturigicirie ni matheru.
Mbica irutitwe online
-Mbuya Ngari-
