Maavithaa athatu a vorithi nimekitue ngono magikuruvanua na gutethereria mwikuirwa wa uragani Masten Millimo Wanjala gutoroka kuma njerari ya gituo kia vorithi kia Jogoo Road.
Inspector wa vorithi Philip Mbithi, maavitha a vorithi gikiro gia contables Boniface Mutuma na Precious Mwende monthe a gituo giki kia vorithi kia Jogoo thaa ino ni kuvingirwa mavingiritwe metererete gukinyua igotiri.
Athatu ama aria marekirue ngono ni maavitha a vorithi kuma oviciri cia uthuthuria wa wikinai Nairobi makathitangwa na mavitia ma gutethereria Wanjala gutoroka na gutiganiria wira uria mavatie gukorwa makiruta.
Wanjala uria ukuruvanitue na kuuraga makiria ma ciana 10 aratorokire njera muthenya wa igoro kuria aravingiritwe gituori kia vorithi kia Jogoo Road Nairobi.
Mbica irutitwe online
-Mbuya Ngari-
