Mateta ni makinyitue mbere ya komishon ya kwandika aruti wira a mwingi ,makiedekithia munene wa nthitango cia mwingi Noordin Haji kuthengutua oficiri.
Kuvitukira mawakili ao, andu a mucii wa mwonjoria Tob Cohen morotete Haji na gukorwa atakurumbuiya na njira iria yagiririkite ciira ya kuuragwa gwa Cohen.
Wavo morotete Haji nigukorwa atakurumbuiya na njira iria yagiririkite ciira cia ruvonge rwa kuramata wendia na uguri wa ndawa Kemsa na ciira wa Direct line Assurance limited.
Kuringana na mateta maria makinyitue ni mwaruanyina na Cohen Gabriel Hannah augite munene wa nthitango cia mwingi wana vuva wa gukorwa ari na umenyo wa uruti wira vari kavida ka miaka 19 ndanakorua agikinyia thiini wa igoti.
Wauguo orotete Haji na gukorwa akingirira uthuthuria uria urekwa ni ruvonge rwa uthuthuria wa wiki nai DCI varia akuruvanitue na gukorwa akigitira ekuira aria manyitirite iturwa cia ngathi ya iguru ta mucirithania Sankale.
Wanja wa Njiru
Mbica irutitwe online
