Vururi wa Nigeria ukavatara aruti wira onthe a thirikari kwonania niave njanjo ya covid-19 kana marua ya kwonania nimekiritwe kithimi na matiri na murimu uyu niguo gutonya oviciri cia thirikari kiambiriria kia mweri wa December mwaka uyu. Ino ni kuringana na kamiti ya rais.
Kamiti ino yugite aruti wira a thirikari aria matari acanje makavatarika kwonania kithimi gia gukorwa matari na covid-19 mbere ya mathaa 72 mathirite niguo gwitikirua gutonya oviciri ciao.
Nigeria mavecanite dosi millon 5 cia njanjo cia covid-19 kuri raiya a kuu million 200 na iri muvangori wa gutwara mamillion ma dosi cia Moderna na AstraZeneca miena itiganite vururiri ucio iria ivecanitwe kuri mavururi maria mathiite nambere na gukuru kuvitukira muvango wa COVAX.
Wavo mari na dosi million 1.12 cia Johnson and Johnson iria magurite kuvitukira muvango wa ngwataniro ya Africa na nimatanyite kwamukira dosi million 7.7 cia Sinopharm iria ciumanite na muvango wa COVAX.
Gukinyagia riu andu 208,153 nimo monekanite na covid-19 namo 2,756 magitorua ni murimu uyu vururiri uyu wa Nigeria.
Mbica irutitwe online
-Mbuya Ngari-