Ekari kauntiri ya Embu nimacokeretie ngatho ruvonge rwa kuramata thogora wa maguta guku vururi Energy and petroleum regulatory authority EPRA vuva wa kwanirira kugwa kwa thogora wa maguta .Ino yukite wariria mwingi ukoretwe ugiteta ni kurituvirua ni muturire kumana na kwambatirira kwa thogora wa maguta.
Kunariuguo nimathiite nambere gukorua magikanyiriria thirikari gutigirira thogora wa maguta niwacoka na nthi makiria ..
Na kwona kwambata kwa thogora wa maguta gutiri mundu kuratigite na vuva gutavutitie mwenegiti wa kiama kia avuri biashara kauntiri ya Embu rungu rwa kenya national chamber of commerce and industry John Mugo Mati na uria ukenererete itua ria kugwa kwa thogora wa maguta niuritie thirikari kunyivanyia goti wa maguta .
Woguo Mati niuritie thirikari kuroria waringi na kunyivia goti wa gas niguo mwingi ndugacokerere utumiri wa nguu undu ukaviririra kuthukagia maria maturigiciritie.
Thogora wa maguta ma petrol ugwite na ciringi ithano namo maguta ma taa makigwaa na ciringi 7.28.
Mbica irutitwe online
Mwende Jackie
