Mwikuira wa uragani uria uretikirite gukorwa auragite makiria ma ciana 10 Masten Millimo Wanjala niuragitwe ni mwingi iturari ria Mukheweya kauntiri ya Bungoma vuva wa gutoroka kuuma stationiri ya vorithi.
Agikira kirore ndeto ino civu wa mwena uyu Boniface Ndiera augite amukire rivoti kuuma kuri mwikari umwe akimwira Wanjala niwonekana kiroko ciana ithiite cukuru.
Vuva wa Wanjala kumenya mwingi niwamumenya avinyurire kwithara na evingira nyomba ya umwe wa ekari kuu nwati mwingi uria urecuritwe ni marakara wavunja nyomba ino na kumuraga.
Wanjala aratorokire kuuma station ya vorithi ya Jogoo Road Nairobi na kuringana na rivoti ya vorithi, avitha uria wengirire wira thaa imwe cia kiroko muthenya wa Jumatano nike wathithuririe Wanjala ndari stationiri ino.
Kunari uguo maavitha athatu a vorithi nimakitue ngono magikuruvanua na gutethereria Wanjala gutoroka.
Wanja wa Njiru
Mbica irutitwe online
