Minista wa ugitiri wa ndari ya vururi Fred Matiang’i augite thirikari kuvitukira munene wa watho niigukorwa ikiandikithia mateta igotiri ria gucokia ciira riko iguru ria itua ria igoti rinene, riria riratuire uvecani wa Huduma namba ndwarumirira watho uria wagiririkite .
Matiang’i aritie muthenya wa umunthi ari The Kenya School Of Adventure and Leadership kauntiri ya Meru .
Igoti rinene riugite kuthundurua kwa Huduma namba Desemba mwaka muvituku wari mugaru na watho nikwona thirikari ndiekirira gutigirira ndumiriri cia mundu kiumbe ningitire .
Kunari uguo Matiang’i augite itua riri rituitwe kuumana na utauri mucuku wa gutumika kwa Huduma card .
Wavo Matiang’i augite thirikari niikiririte technology thiini wa kuvecana mautungata mayo na Huduma Card yakinyanagiria muoroto uyu .
Wanja wa Njiru
Mbica irutitwe online
