Mutongoria wa vururi Raisi Uhuru Kenyatta muthenya wa umunthi nuthundurite mutaratara wa urigiti wa murimu wa cancer vururiri wa kenya na uria uramenyekana ta Intergrated Molecular Imaging Centre thivitariri wa Kenyatta Teaching Research and Referral.
Raisi Uhuru augite muvango uyu uri thiini wa maundu manna maria ekiririte, varia augite aruaru a cancer nimagukorwa makigunika muno .
Wauguo augite mutaratara uyu nugutethereria kurigita aruaru a cancer tene varia augite machine iri iratumika nicia ikiro cia iguru .
Wavo raisi Uhuru augite thirikari yake niikiririte ,niguo gutigirira akenya nimagia urigiti uria wagiririkite .
Akenya gukorwa makigia urigiti wa murimu wa cancer kuma gicigori giki nigugukorwa gukinyivia murigo munene wa mbeca iria ikoretwe igitumika varia kwirikite namba ya ikuo ciumanite na murimu a cancer niigukorwa ikithii nthi .
Gicigo giki gia kurigita cancer kiri na uvoti wa kwamukira aruaru 100.
Wanja wa Njiru
Mbica irutitwe online
