Thirikari ya kaunty ya Embu niyuritue kuthondeka cioro iria ingitumirua ni andu aria mari na mawathe matauniri na thokori.
MCA wa kithukio Bernard Kandia niwavecanite ndumiriri kuri ruvonge rwa wonjoria akimauria kana nimeci cioro cia mwingi iria iri kauntiri ya Embu itingitumirua ni andu ari mari na mawathe. Wavo ni wauritie ikinyo riria thirikari ya kaunty yocete niguo kurunga ivitia riri.
Macokio ma ciuria ino kuuma kuri minista wa Trade, Tourism, Investment and Industrialisation ndagitari Joan Mwende Kiema mathometwe ni mwenegiti wa kamiti ya wonjoria Masters Mwaniki varia augite nimaramenya thina ucio uri vo nwati gutiri budget itengetwe ya kumirumbuiya .
Kunari uguo Mca Kandia augite ndeganirite na macokio mama varia augite andu aria mari na mawathe magirirwe kurumbuuwa uria kwagiririkite .
Mwenari wake spika wa mbunge na uria ni Mca wa wardi ya Runyenjes Central Steve Simba wanake augite ndeganirite na macokio maria mavecanitwe varia edekithitie kamiti ya wonjoria kurumbuiya thina uyu niguo aria mari na mawathe makorwe na cioro iria mangitumira .
Mwaniki nuritie kunyitwa mbaru riria agakorua akiedekithia budget ino ya gutigirira kuri na mbeca cia kuthondeka waro ciiro cia mwingi niguo andu aria mari na mawathe mavote guitumira .
Wanja wa Njiru
Mbica irutitwe online
