Diocese ya Embu niiruguritie mutaratara wa kwaririria uthii wa nambere wa kanitha varia atongoria a ikundi ngurani na akristu matanyitwe kuvecana mawoni mao megii ukuria wa kanitha.
Akiaria vindi ya kuruguria mutaratara uria uramenyekana ta Synod na ukathii na mbere vanduri va miaka iiri miuku, muthikavu Paul Kariuki wa Embu augite muvango uyu niwagutigirira andu onthe nimavewa mweke wa kwigwika.
Thiini wa igongona ria kuruguria mutaratara uyu na riria rirekikire kanithari wa athure Peter na Paul, Cathedral Karurina, muthikavu Kariuki augite kanitha ti ya mundu umwe, gitumi kiganu gia gutwarithia na mbere mutaratara uyu.
Muthikavu Kariuki augite itanya rinene ria mutaratara uyu ni kunyitithania na gwikira urumwe gatagatiri ka mundu na uria wingi.
Kavindari wa kau, muthikavu Kariuki augite vanduri va miaka ino iiri miario ino ikuthii na mbere, ikundi ngurani ikathondekwa niguo gutigirira mawoni ma andu onthe nimandikithwa.
–Mwende Jackie
