Maavitha a vorithi mwena wa Muguga kauntiri ya Kiambu nimambiriritie gwika uthuthuria vuva wa mwikuirwa umwe wa wiyii kuuragwa vuva wake kuvuja nyomba na kugeria kutharikira mwene.
Ndumiriri iria ivecanitwe ni DCI ,mutigairi uria uramenyekana ta Evans Atuya wa ukuru wa miaka 35 mai na andu engi airi mavujire nyomba ya Godwin Wanyama mathaa ma thaa inyanya cia utuku vuva wa kuringa nyomba yake na ithiga .
Kuringana na maavitha a vorithi gicanjama giki nikiramukirie Wanyama uria wambiririe kutharikira ekuirwa aya varia avotire gucuna mwikuirwa umwe matharaita maria arari namo na mwikuirwa uyu atemwa mumerori nao ekuirua airi mavota gutoroka.
Mwikuirwa uyu utivangiriue, nutorirue ni ndivangio na akuira makinyo manini kuma mucii wa Wanyama .
Mwiri wa mwikuira niwocirwe ni maavitha a station ya Mugaga na kuvirua morcari ya thivitari ya Gachie level four.
Wanja wa Njiru
Mbica irutitwe online
