Ciira wa ungumania wa mwigana wa million 34.9 uria ngavana wa Tharaka Nithi muthomi Njuki akuruvanitue naguo ,riu ukathikirirua igotiri ria watho ria Embu .
Jaji wa igoti rinene James Wakiaga akivecana itua riake augite ciira uyu ukagwetwa tariki 16 mweri wa ikumi na umwe na andu onthe aria makuruvanitue ciirari uyu magirirwe gwikinyia igotiri.
Ciira uyu niwakinyirue igotiri rinene mweri wa January kuma Milimani niguo gucaria mwerekera kuria ugukorwa ugitwarithirua nambere.
Ino yaukite vuva wa mwena wa nthitango kuregana na ciira uyu gucejua kuma Nairobi na kuvirua igotiri ria Chuka kana Kathwana .
Kuringana na gikundi kia mwena wa nthitango ciira uyu wandikithirue Nairobi nikwona mavitia mekiritwe miena ngurani ari vamwe na kaunty ya Embu .
Mweri wa kenda mwaka muvituku munene wa nthitango cia mwingi Noordin Haji niwamurithirie gwikua ngono na kuthitangwa kwa ngavana Muthomi Njuki na maavitha engi a kaunty iyo nundu wa kuvecana kandarathi na mutaratara uria utagiririkite .
Wanja wa Njiru
Mbica irutitwe online
