Munene wa mavitha a vorithi Hillary Mutyambai niwamurithitie uthuthuria gwikwa wigii mburago ya mutwarithia wa viki viki Sub- county ya Igembe North kauntiri ya Meru.
Ni gicanjama kiamakirie engi mwena wa Igembe varia avitha wa vorithi ekuirue gutivangia mutwarithia wa viki viki na uria urameyekana ta Patric Koome uria wekuirutwe kwiia viki viki na akoretwe akingarithwa ni maavitha avorithi.
Wauguo Mutyambai augite maumirira ma uthuthuria magakorua magitethereria niguo maavitha aria magakuruvanwa na ngero ino magocerwa makinyo ma watho.
Mutyambai augite mwingi uvatie gukorua na uvoreru niguo gwitikiria uthuthuria kurika.
Ndeto ino yukite wariria icanjama ciingivite cia maavitha a vorithi gwikuirua kuratha atwarithia a viki viki.
Ruvonge rwa kumurika uruti wira wa maavitha a vorithi rugite uthuthuria niwambiriritie.
Mbica irutitwe online
–Mwende Jackie
