Rais wa vururi wa Malawi Lazarus Chakwera niurikitie gukinya guku vururiri niundu wa icera riake ria mithenya ithatu.
Rais Chakwera uria ukire na mutumia wake Monica Chakwera, magakorwa mari ageni a gitio thiini wa ngunguiro cia 58 cia Mashujaa muthenya wa ruciu iria igekika kivarori kia Wang’uru kaunti ya Kirinyaga.
Magana ma ageni nimarevokwa gugakorwa thiini wa ngunguiro ino ya Mashujaa.
Rais Chakwera amukirue kivarori kia ndege kia Jomo Kenyatta International ni minister wa ugitiri, Eugene Wamalwa.
Rais Uhuru Kenyatta niugakirivithia Rais Chakwera nthigirari wa iregi muthenya wa aramici.
Muthenya wa njumaa mwandiki mukaru ruvongeri rwa ugitiri rwa ndari ya vururi, ndagitari Karanja Kibicho niwavecaniire watho wa gukorwa gutari na ngunguiro ciingi cia Mashujaa thiini wa kaunti ta uria gukoretwe gugekika.
Kaari wa Mugendi
Mbica irutitue online
