Indo cia mwigana utaramenyekana niithukangitue ni mwaki uria uratuthukire nyombari cia kumama iria iratumagirwa ni arutwa 280 cukururi wa sekondari wa muthure Peter Abwao kauntiri ya Migori.
Mwalimu munene wa cukuru ino Jecktyone Ogolla augite mwaki uyu uria uratuthukire thaa igiri cia utuku uravivirie nyomba ino ya kumama na indo cia arutwa.
Gutiri na mundu urativangirue ni kwona arutwa marai irathiri kavida karia mwaki uratuthukire.
Wauguo Ogolla augite igeria ria kuvoria mwaki uyu ritinaciara matunda nikwona indo iria irari ndari ya nyomba ino ya kumama niiravire.
Wavo augite kiumo kia mwaki ucio gitimenyekanite nwati nimaranyitanira na nvonge cia uthuthuria niguo kumenya kiria kiracangirire mwaki ucio.
Riu mwalimu Ogolla nuritie thirikari, atongoria vamwe na andu a wendi mwega kumatethereria na gwaka nyomba ingi ya kumama vamwe na kuva arutwa indo ta mikondoro na mireketi iria iravire.
Wanja wa Njiru
Mbica irutitwe online
