Vururi wa Kenya niwamukirite dose ngiri 504,000 cia njanjo ya covid 19 mutemba wa Johnson$Johnson niguo gukiriria muvango wa uvecani wa njanjo vururiri.
Kuringana na ruvonge rwa ugima wa mwiri, njanjo ino irakinyire vururiri kivwai kia muthenya wa igoro kuvitukira muvango uria uratumika kugia njanjo gitaruri kia Africa.
Ino yukite vuva wa vururi wa kenya kwamukira njanjo ingi muthemba wa uyu wa Johnson $Johnson dose ngiri 252,000 iria yagurirwe ni thirikari.
Wauguo thirikari niyaugite kavidari kau niyatengete billion 14.3 cia kugura dose million 13 cia njanjo ya Johnson and Johnson .
Minista wa ugima wa mwiri Mutahi Kagwe muthenya wa igoro nuranirire thirikari nitanyite gukorwa na dose mbiganu niguo gukinyaniria itanya ria kuva njanjo andu millon 10 igikinya mweri wa Desemba mwakari .
Wanja wa Njiru
Mbica irutitwe online
