Maavitha a vorithi mwena wa Mbooni kauntiri ya Makueni nimaracarania na mundumurume umwe uria wikuiritwe kunyita kiavinya ng’ina wa ukuru wa miaka 90, ngero iria aagerire muthenya wa ngunguiro cia Mashujaa.
Patrick Mumo muvici uria munini wa mutumia uyu na uria ni wa ukuru wa miaka 45, aatharikire ng’ina Jumatano thaa igiri cia utuku na vuva ucio gutoroka.
Ndeto ino niikiritwe kirore ni arigitani civitariri ya Kisau sub-county aria marekire kithimi vuva wa muvici uria mukuru wa mutumia uyu kumutwara civitari.
Riu maavitha a uthuthuria wa wikinai nimauritie mwikuirwa uyu kwivecana kuri gituo kia vorithi kiria kiri vakuvi na kuria ethithite na wavo kuuria mwingi uria ungiona mwikuirwa uyu kana meci kuria ari mamatethererie kumwikia ngono kuvitukira kumava ndumiriri ino.
Mbica irutitwe online
-Mbuya Ngari-