Murutwa wa ukuru wa miaka 17 kuma cukururi wa sekondari wa anake wa Gathiruini kauntiri ya Kiambu niukuite kumana na ndivangio iria aragire vuva wa kutharikirwa atonya cukururi wa sekondari wa eritu wa Komathai na njira cia ngungo.
Murutwa uyu wa kirathi kia Form 4 arari gatagati ka anake atandatu aria maratonyire nyombari imwe ya kumama ya eritu cukururi uyu wa Komathai igoro Aramici thaa ikumi cia kiroko.
Kuringana na maavitha a uthuthuria wa wikinai ni ati gutiramenyekana anake ama marathiite kuu gwika atia riria maronirwe ni eritu amwe aria maraugire mbu undu uria uratumire arutwa onthe a eritu vamwe na arangiri na arimu kuthii gwitika mbu.
Anake acio engi atano nimaravotire gutoroka nwati uyu umwe agwatwa na ambiriria kurivwa na vuvari gutwarwa civitari ya Level 4 ya Kigumo kuria arakwirire.
Riu mwingi niuritue gukorwa utagwoca watho njarari ciao.
Mbica irutitwe online
-Mbuya Ngari-
