Maminista athatu nimanyitite mbaru itanya ria mutongoria wa kiama kia ODM Raila Odinga ria kuvuranira giturwa kia raisi varia maugite nike muvuraniri uria wagiririkite.
Athatu aya aria ni Mutahi Kagwe uria urungamiririte ruvonge rwa ugima wa mwiri, ndagitari Fred Matiang’i wa ugitiri wa ndari ya vururi na Eugene Wamalwa wa ugitiri, maugite ngethi gatagati ka rais Uhuru Kenyatta na Raila Odinga niiretete umariru.
Atongoria aya mararagia muthenya wa igoro mai cukururi wa Mwongori kauntiri ya Nyamira na kuria maranyititwe ugeni ni minista Fred Matiang’i.
Minista Kagwe augite unyitaniri uyu niguo ugutethereria mirandi iria yambiriritue ivote kuthii nambere wana raisi Uhuru Kenyatta athenguta gituruari kia raisi.
Na guku kithurano kinene gigikuviriria mivango ya uteti niikoretwe ikitherema na atongoria gukorwa makinyita mbaru avuraniri ngurani a giturua kia raisi.
Wanja wa Njiru
Mbica irutitwe online
