Arutwa cukururi cia universities na colleges kuma kauntiri ya Embu nimakairite thirikari kumathikiriria na kumatethia kuthenguta mathinari maria makoragwa makivitukira riria mari arutwa.
Kuvitukira rais wa kiama kiao kia Embu County Comrades Association (ECCA) nike Dennis Macharia na uria wicikene muno ta Obina, maugite thina uria munene muno umagumagira riria marathoma ni vici na uguo kuuria bursary ivecanwe na njira iria ikaguna aria maravatara utethio uyu makiria.
Wavo nimauritie ene kambuni itiganite na thirikari kumavecaga mweke wa kugia na umenyo makiria wa wira wao niundu kavinda gaka ni kavata muno thiini wa uruti wa wira mithenyari yukite. Maugite nimathinikaga muno riria maracutha mieke ino kambuniri itiganite cia andu kiumbe na cia thirikari.
Thina wingi ukoretwe ukigumira arutwa ama ni kwirwa mariva mikovo ya HELB riria mundu arikia cukuru na ndari na wira. Mauritie mavewe mawira niguo makavota kuriva mikovo ino.
Arutwa aria mari cukururi ino cia universities na colleges na aria matari kiamari giki kia ECCA nimauritue kugwatana na arutwa ama mengi niguo kurumbuiya kumenyererwa kwa murutwa agitonya cukuru, ari cukuri na arikia.
Mbica irutitwe online
-Mbuya Ngari-
