Mumbunge wa Kathiani Robert Mbui niugite ateti gukorwa na ikundi nene cia andu riria maravura kambini ciao ti kuuga uguo nwaguo makathurwa.
Aritie miario ino umunthi Jumatatu varia augite thina wa ang’ethaniri ni kwona uria muteti umwe arathikirirua ni andu engi ageciria uguo nwagua kuura ciigana undu uria wambagia kureta mbukaniriro makithii nambere na uteti wao.
Kavindari wa kau, Mbui niutecaniritie miario iria irauga ati nguma ya mutongoria wa kiama kia ODM Raila Odinga na uria uri ivenyari ria gutwika rais, iri nthi muno vururiri wa Kenya.
Wavo Mbui nukumite kuvingirirua kwa munini wa rais William Ruto icerari riake mwena wa Busia muthenya wa Jumamosi varia augite thirikari nwanginya yocera makinyo maria maagiririkite aria meekire giko kiu.
Andu 8 gukinyagia riu nimo mekitue ngono, maavitha a vorithi magicaranagia na ekuirwa acio engi.
Mbica irutitwe online
-Mbuya Ngari-
