Ruvonge rwa ugitiri, rwa maavitha a mbiraru KDF nirwaniririte wandikani varia muvango uyu wa gwoca aria makaguma utungatari wa KDF ukambiriria tariki 15 mweri muku na kurika tariki 20 mweri wa ikumi na umwe mwakari.
Thiini wa kimenyithia kiria gicavithitue muthenya wa umunthi Jumaine, kuri na wocani wa maavitha gikiro gia general service officer cadets, Specialists officers, general duty recruits Trades men na defence forces constables.
Na niguo mundu agie mweke wa kugia wira uyu agirirwe gukorwa akinyitie miaka 18, eyandikithitie ta mukenya na akorwe na kivandi vamwe na marua kuuma ruvonge rwa kungania goti.
Wauguo mundu aravatara gukorwa ndanonekana na mavitia kana ekite undu mugaru na watho.
Anduarume maravatara gukorwa na uraca wa mita 1.6 na urito wa mwiri wa kilo 54.55 nao atumia maravatarika gukorwa na uraca wa mita 1.52 na gukorwa na urito wa kilo 50 kuthii iguru.
Wauguo ruvonge ruru rwa ugitiri niruvecanite mukana kuri akenya matikeingirie thiini wa ungumania varia kwirikite mundu wa wonthe ukanyitikana agocerwa ikinyo ria watho ni kwona wocani wa maavitha a KDF ndurivagua.
Wanja wa Njiru
Mbica irutitwe online
