Munini wa raisi William Ruto nukumitie itua ria ngavana wa Kirinyaga Ann Waiguru ria kuthamira kiamari kia UDA varia augite kuravatarika mundu gukorwa na ucamba mwingi niguo gutua itua ta riri.
Ruto augite utongoria uvataraga mundu gutua matua maumu, varia augite itua ria ngavana Waiguru niriagutuma andu a Kirinyaga makenerere.
Wauguo Ruto augite mari na raisi Uhuru Kenyatta, nimarutithanirie wira na Waiguru niguo kureta uthii wanambere kiamari kia Jubilee noguo Waiguru kwingira kiamari kia UDA nigwikira vinya makiria Hustler Movement.
Ruto wavo nuuritie amemba a kiama kia UDA vamwe na aria marakinyita mbaru kunyitanira na aria marengira kiamari kiu niguo megue mari eganiru.
Ino yukite vuva wa Waiguru kuthamira kiamari kia UDA na amukiritwe thiini wa gikundi kiria giitaga hustler movement vuva wa mucemanio uria wikikite mucii kwa munini wa mutongoria wa vururi kuria mwena wa Karen.
Akiaria Waiguru augite ati mwingi ugiite kiama ni UDA na rwimbo ruria rurakuwa ni rwa hustler.
Wanja wa Njiru
Mbica irutitwe online
