Miario ya mutongoria wa vururi raisi Uhuru Kenyatta niyambiriritie kureta mwivoko kuri mbeu mbithi aria marutaga wira wa kazi mtaani wardiri ya Gaturi South kauntiri ya Embu na aria makoretwe matari wira kuuma muvango uyu warungamua.
Makiaria na kameme ga Kimuri Fm, makumitie muvango uyu wa kazi mtaani ni kwona nutethetie mbeu mbithi engi muno muturireri wao varia macokeretie ngatho raisi Uhuru Kenyatta nikwanirira muvango uyu nugukorwa ukiambiriria ringi.
Kuringana na Joseph Mbuthi uria wai umwe wa arungamiriri a wira uyu wa kazi mtaani augite kuma warungamua, mbeu mbithi engi nimambiriritie kwiingiria wiyiri na utumiriri wa ndawa cia ndugugio. Miario yake ikinyitwa mbaru ni Teresia Muthoni uria ugite giko nigicokete ringi varavarari kuuma muvango uyu warungamua ni thirikari.
Riu mwivoko na ivoya ria mbeu mbithi aya ni ati, mbeca iria iratengerwe muvango uyu wa kazi mtaani mwigana wa billion ikumi niigutumirwa na mutaratara uria wagiririkite niguo mbeu mbithi magunike.
Wanja wa Njiru
Mbica irutitwe online
