Ruvonge rwa ugima wa mwiri niruaniririte aruaru 151 a murimu wa covid 19 muthenya wa umunthi Jumaine namba iria yumite kuma kuri ithimi 7,224 iria ciikitwe rungu rwa mathaa mirongo iiri na mana mavituku na gukinyia gicunji kia aruaru a murimu wa covid 19 kiri 2.1 vari igana.
Namba ya aria monekanite na murimu wa covid 19 vururi ikinyite 252,839 na ithimi iria ciikitwe igikinya 2,682,247.
Kuma kuri namba ya umunthi akenya ni 141 nao 10 maumite nja ya vururi, uria munini muno ni mwana wa mwaka umwe nake uria mukuru muno aina ukuru wa miaka 113, anduarume ni 84 nao atumia mari 67.
Kaunti iria ciandikithitie aruaru kaunti ya Nairobi 30, Bomet 18, Meru 17, Makueni 13, Nakuru 9, Kericho 8, Bungoma 7, Kisii 5, Kajiado 5, Kisumu 4, Mombasa 4, Narok 4, Kakamega 3, Nyeri 3, West Pokot 3, Uasin Gishu 3, Kiambu 3, Marsabit 2, Nyandarua 2, Garissa 2, Elgeyo Marakwet 1, Laikipia 1, Vihiga 1, Machakos 1, Murang’a 1 na Migori 1.
Andu 35 nimavorete murimu wa covid 19 muthenya wa umunthi na gukinyia namba ya aria mavorete murimu wa covid 19 vururi iri 246,390.
Ikuu ithatu nicianiriritwe cionthe ikianirirua iri ikuu njerere na gukinyia namba ya ikuu vururi iri 5,263.
Mbica irutitwe online
Mwende Jackie
