Ciira igie kuragwa kwa Joanna Stuchburry uria wari muruiri wa kumenyererwa kwa maria maturigicirie nwa ithiite nambere varia ndumiriri ithiite nambere kuumbuka ndetori cia ngucanio iria Stuchburry na mumbunge wa Bahati Kimani Ngunjiri mari nacio mbere ya kuuragwa gwake.
Riu maavithaa a uthuthuria maugite mumbunge Ngunjiri ni mundu urarorererua na ukuvi ciirari ino.
Muthenya wa umunthi Jumatano minister wa maria maturigicirie Keriako Tobiko niwirite kamiti ya ugitiri mbungeri ya Senate iria niyo irathuthuria ciira uyu, ati Stuchburry auragirwe niundu wa wirutiri wake wa kwenda kugitira mutito wa Karura ndugacukangue.
Ndeto ino yatumire akorwe akivewa mikana na muthiari akirathwa na kuuragwa vakuvi na gwake mucii.
Tobiko augite ngero ino yekikire vuva wa ciira kuvirwa mbere ya igoti ria watho ria Kiambu mweri wa kairi mwaka wa 2018 varia kambuni ya Agropack na iria murungamiriri munene wayo ni Kimani Ngunjiri, mathitangite ruvua rwa motungata ma mititu vururiri vamwe na Joanna Stuchburry.
Ino ni ciira iria kambuni ya Agropack mendaga kuthondeka varavara mutituri uyu wa Karura ithiite mugundari wa Ngunjiri ndeto iria Stuchburry avotire kutharia mivango yao mbere ya gucemania na gikuo giake.
Mbica irutitwe online
-Mbuya Ngari-