Mwanake wa ukuru wa miaka 14 aravoria ngurario cia mwaki thivitariri wa Mandera Referral vuva wa kuvingirwa nyomba ni amuruwanyina na makia mwaki.
Kuringana na rivoti iria ivecanitwe ni ruvonge rwa uthuthuria wa wiki nai mutambori wa ukinyaniria wa kiriu wa twitter, mwanake uyu uria ni murutwa wa kirathi gia 7 arovanitue na mukondoro ni amuruwanyina aria maramenyekana ta Ibrahim Ahmed na Yusuf Ahmed varia maracokire kumundia mwaki makinamutiga avie.
Kwirikite murutwa uyu arai mwira thiini wa ciira iria muruwanyina Ibrahim akuruvanitue nayo ya kwiya thimu.
Kunari uguo maavitha a vorithi aria maramatagia ugitiri nimaronire nyomba ikivia na nivo maravotire kuvonokia mwanake uyu na kumutengeria thivitari wa Mandera kuria akomete na ngurario nyiingi.
Wauguo maavitha a vorithi nwamaracaria amuruwanyina aria maratorokire vuva wa kugera ngero iyo.
Wanja wa Njiru
Mbica irutitwe online
