Mwenegiti wa kiama kia arigitani gikiro kia nurse Joseph Ngwasi augite nwamathiite nambere na mugomo wao wa arigitani kauntiri ya Embu, nundu wa mateta maria maavecanite nwati matikoretwe makirumbuuwa, ta arigitani gutinua mbeca nwati ikarega kumarungamirira.
Wauguo Ngwasi augite gukinyagia riu matigite wigucano na thirikari ya kaunti ya Embu na nikio mathiite nambere na kugoma.
Riu mugomo uyu wa arigitani ukithii nambere na gukanyiriria ekari kauntiri ino nundu wa gutura utungata wa urigiti.
Bosco Mutegi uria ni mwikari kauntiri ya Embu riu akiuga niakuthii igotiri kuthitanga thirikari ya kaunty ya Embu nundu wa kuremwa gucaria kivonia kia mugoma wa arigitani.
Mwenari wake minista wa ugima wa mwiri kauntiri ya Embu David Kariuki augite mai na mucemanio na anyiti itemi ruvongeri rwa ugima wa mwiri.
Wanja wa Njiru
Mbica irutitwe online
