Igoti ria gucokia ciira riko nirirungamitie gwa kavinda watho uria wathaga rais Uhuru Kenyatta kuvitukia manjanji aria atandatu atigirire mweri wa gatandatu vari ciumia igiri.
Manjanji Roselyn Nambuye, Wanjiru Karanja na Imaana Laibuta nimo mavecanite watho uyu nginya riria itua ria ciira uyu rikavecanwa tariki 19 mweri uyu wa ikumi na imwe.
Rais Kenyatta athiire igotiri riri kiumia kithiru akivinga itua ria igoti rinene ria kwathana avitukie manjanji acio atandatu akiuga ndeto ino igekika ikareta ngucanio gatagati ka ovici yake na ya njanji munene vururiri Martha Koome.
Thiini wa mateta mama ma rais Uhuru maria mandikithirue kiumia kithiru Jumatano, rais kuvitukira wakili wake Waweru Gatonye augite watho uyu uria wavecanirwe ni manjanji George Dulu, James Wakiaga na William Musyoka wari mugaru na watho.
-Mbica irutitwe Online
-Mbuya Ngari
