Mbica ya atwarithia a viki viki mekarite mawirirari mene na engi mekarite rungu rwa miti niyo turacemania nayo thokori ya Gachuriri mbeere ya itherero kauntiri ya Embu gitumi kinene kiri wagi wa mwigunyi.
Onjoria a viki viki aria twaritie nao matongoretue ni Pius Msafiri, mathina kionda rita makoragwa makimagumira munomuno vindi ya mbura na kana riua rinene magitura vandu va kwiuga. Mavinda mengi ni maria makoragwa matari na wigucano mwega na endia a matuka aria mamakuruvanagia na ngarama thiini wa wonjoria wao makiuga onjoria aya a vikiviki nimavingagiriria aguri. Twa mathina ma gutura gwa kwiyuga maramang’ethera tu, maugite nginya varavara ya kuma gachuriri kuthii gachoka wanayo itwikite kiremithia kia uthii wanambere wonjoriari wao.
Na riu ivoya riao kuri thirikari kuvitukira atongoria ao ni kumekirira mwigunyi wa undumwe na kumathodekera varavara mwena ucio niguo mavote gutwarithia nambere wonjoria wao na njira iria yagirire.
-Mwende Jackie
