Minister wa ugendi Najib Balala niwaniririte akenya aria mari na ukuru wa miaka 75 kuthii iguru magetikirua gutonya Nairobi National Park gutari kurivua kindu vari kavinda ka mweri umwe.
Akiaria ari muciiri munene wa mootungata ma kuramata nyamu cia kithaka, Balala augite itua riri riukite wariria National Park ino irakunguira miaka 75 kuma riria yambirirue tariki 16 mweri wa 12 mwaka wa 1946.
Wavo, andu aria mari na ukuru wa miaka 75 kuthii iguru nimetikiritue kuthii na mundu wingi umwe na makavewa ngari ya kumaceria, mootungata maria matakarivua wanari kindu ndeto iria irambiririe igoro tariki 25 mweri wa 11.
Kavindari wa kau minister Balala niwaniririte andu 75 a mbere aria megikinyia igongonari ria gukunguria miaka 75 tariki 16 mweri wa 12 kuria mwena wa Kisembe Glade thiini wa park ino matikarivua mbeca cia gutonya.
-Mbuya Ngari
-Mbica irutitwe online