Minista wa ugima wa mwiri Kenya Mutahi Kagwe augite ikuu irungamirite Ngiri ithano, magana mathatu ma mirongo ithatu na ithatu nikwona gutiri gikuo kiandikithitue rungu rwa mathaa mirongo iiri na manna mavituku.
Njanjo iria ivecanitwe vururiri gukinyangia riu ni Millioni ithathatu, ngiri magana manana ma ikumi na imwe, na mirongo inna na ithatu.
Ndeto ino yukite wariria andu 42 monekanite na murimu wa covid 19 rungu rwa mathaa mirongo iiri na manna mavituku kuma kuri ithimi 4, 971 na gukinyia namba ya aria monekanite na murimu wa covid 19 vururi iri ngiri magana mairi ma mirongo itano na anna, magana kenda ma anna .
Kuvitukira ndumiriri yake muthenya wa umunthi Kagwe augite ithimi iria ciikitwe vururiri gukinyagia riu ni millioni igiri, ngiri magana manana ma mirongo iiiri na kimwe, igana rimwe ria mirongo inna na inya.
Kuma kuri namba ya umunthi anduarume ni 21 nao atumia mari 21 uria munini muno ni wa ukuru wa miaka 13 nake uria mukuru muno ni wa ukuru wa miaka 95 varia 5 maumite nja ya vururi nao 37 ni akenya.
Thiini wa kaunti iria ciandikithitie aruaru kaunti ya Nairobi niyo itongoretie na aruaru 11, Uain Gishu 5, Kericho 3, Kiambu, Makueni, Marsabit, Mombasa, Nakuru, Narok, and Tharaka Nithi 2 , Bomet, Embu, Garissa, Kajiado, Kisii, Nyamira, Kisumu, Kitui na Kakamega ikandikithia muruaru umwe wa kaunti.
Namba ya aria mavorete murimu wa covid-19 vururi ikinyite ngiri magana mairi ma mirongo inna na anana, na mirongo inana na atano ino ni vuva wa andu 15 kwanirirua kuvora rungu rwa mathaa mirongo iiri na manna mavituku
-Mbica irutitwe online
-Mwende Jackie
