Arimi a manjani na aria mendagia manjani kithiiri gia Kathangariri nimauritue kwirutaniria urimiri wao niguo gukorwa na maketha mengi na niguo kugwata mbeca nyingi ta iganda iria ciingi. Ino yukite vuva wa maketha ma mwaka uyu kuthii nthi na ciringi million 4 ikiringanithua na maketha ma mwaka muthiri maria maari ma ciringi million 16.
Wavo nimauritue kwongerera maketha mao kuvitukira kuvanda manjani kuria matavandite, varia urugamiriri wao uri na mivango ya kumava mimera ya manjani ya kuvanda.
Kunari uguo, urungamiriri wa Kathangariri niuritue gutigirira nimambatiria gikiro kia manjani ma guku niguo andu matige kuthii kugura manjani ma kuma kundu kwingi.
Mungania marari na maketha ma ciringi million 20, Rukuriri makigia maketha ma ciringi million 17 nao Kathangariri mari na maketha ma ciringi million 12.
Miario ino yukite thiini wa mucemanio wa wa mwaka wa arimi a kiganda gia Kathangariri.
-Mbuya Ngari
-Mbica irutitwe online
