Komicona wa gitaru kia Rift Valley George Natembeya niugite ikinyo rirumu nirigwocerwa atongoria a maturari aria maratuma mbara ya kurua na uthondeki na wendia wa njovi cia ivango ndukathire kuvitukira kwamukira mavaki mwena wa Njoro kauntiri ya Nakuru.
Natembeya na uria urari iturari ria Jawatho mwena wa Njoro kauntiri ya Nakuru vuva wa andu 5 gukua kumana na kunyua njovi ino, augite uthuthuria tayari niwambiriritie niguo kureta utheru timuri ya ugitiri na kuthengutia aria mararigiriria mbara ino gukinyanira.
Augite gutiri mwikari wa Kenya uvatie gukua kumana na kunyua njovi na uguo gwitikira kuri na maavitha a vorithi maramama wirari wao.
Thaa ino andu engi airi makomete civitari vuva wa kwambiriria kuuga matirona wega muthenya wa igoro. Ino yukite vuva wa andu atandatu gukua vuva wa kunyua njovi ino mwena ucio wa Njoro kauntiri ya Nakuru.
-Mbuya Ngari
-Mbica irutitwe online
