Mutongoria wa vururi Raisi Uhuru Kenyatta niuritie maavitha a vorithi gukorua makiaria macemania na mathina niguo kurigiriria ciiko cia kwiruta muoyo kana uragani.
Raisi augite gutiri na vata wa gwika ciiko itari mbega akiuga micinga iria maavitha a vorithi mavetwe ni ya kuvonokia mioyo nwati ti kuthukangia mioyo.
Raisi Uhuru aritie ari mamburari ma kurikia mathomo ma maavitha a GSU mwena wa Embakasi Nairobi varia akanyiriritie maavitha a vorithi gukorua makiaraniria na arata ao, andu aria mamandikite wa undumwe na andu a mucii kavida karia macemania na mathina .
Miario ya raisi yukite wariria avitha umwe na uria uramenyekana ta Benson Imbatu arekuirwa kuraga andu atandatu na njira ya kumaratha mbere ya erathite mwena wa kabete kauntiri ya Kiambu.
Mweri wa kanana komiconi ya kwandika maavitha a vorithi niyathundurire muvango wa kuroria ugima mwega wa meciria kuri maavitha a vorithi.
-Mbica irutitwe online
-Mwende Jackie
