Kengi ikundi iria tucemanagia nacio nicia atumia kana athuri nwati riu mbeu mbithi maugite timatigwa na vuva. Icera ikundiri na kameme ga Kimuri F.M turungamirite nginya mwena wa Njukiri gicigo mbunge kia manyatta kauntiri ya Embu varia tucemanitie na gikundi kia mbeu mbithi kiramenyekana ta New Nthambo youth group.
Kennedy Rutere Mugo ungienda ukamwita Broker na uria ni Mwenegiti wa gikundi giki augite mworoto munene wa kwambiriria gikundi giki nigutethania mari mbeu mbithi.
Gikundi kia New Nthambo Group gikoragwa kiri na mawatho maria wamumemba avatie kurumirira kurega uguo vaini ndingitigana nake, ino ni kuringana na Nicasio Kathuri na ritwa ringi Cee mumemba gikundiri giki.
Amemba a gikundi giki nimagunikite na kuthoma maundu matiganite kuma meungania na gikundi giki.
Na riu amemba a gikundi giki nimatarite mbeu mbithi aria engi matari ikundiri gukorua makigwatania thiini wa gikundi niguo mavote gukaniriria.
Urumwe ni vinya uguo niguo ayouth a Njukiri magundurite na kwiungania vamwe. Ndugatigwe na vuva, inyitithanie na gikundi kwona ati urumwe ni vinya.
-Mwende Jackie
