Maavitha atano a vorithi kuma gituori kia vorithi gia Kagio gicigo kia Ndia kauntiri ya Kirinyaga nimarathuthurua niundu wa kwiira mundumurume muvuri mbiacara kuma Murang’a ciringi 80,000.
Kwirikite muvuri mbiacara uyu athiite mbiacarari ciake ari na kirori gia gukua nyaki ya kuriwa ni ng’ombe varavarari ya Kagio kuthii Sagana tariki 8 mweri uyu wa 12 riria arungamirue ni maavitha a vorithi mari ngariri muthemba wa land cruiser makimworota na gukorwa akuite vangi.
Kuringana na komanda wa vorithi Kirinyaga nike Mathew Mang’ira, maavitha ama nimacariria vangi kiroriri giki nwati matianamithira mathaari ma thaa inyanya cia utuku.
Muvuri mbiacara uyu augite maavitha ama mamucukumire kuthii gituori kia vorithi gia Kagio nwati mari njirari maavitha ama maambiriria kumwitia ciringi 200,000, na niguo arekererue niwatwarirwe thiini wa ATM tauniri ya Kagio na aruta ciringi 80,000 mathaari ma thaa ikumi kiroko.
Kuringana na komanda Mang’ira tayari mundumurume uyu niwonanitie maavitha acio atano aria ni maavitha ana gikiro gia constables na corporal umwe na uthuthuria niurathii nambere.
Mbuya Ngari
Mbica irutitwe online
