Senator wa kaunti ya Kakamega Cleophas Malala niuritue ni komiconi ya kuramata urumwe na thayu guku vururiri gwikinyia mbere yaao niguo avote gutariria miario yake varia augite mwandiki munene wa COTU Francis Atwoli ndavatii gukorwa na mucemanio kivarori kia Bukhungu tariki 31, mweriri.
Kuringana na NCIC, ateti onthe maina rutha rwa gucera gicigo wa kionthe guku vururiri na gwika kambeni ciao na gutiri na mundu uvatii kumarigiriria, ino ni miario ya murugamiriri munene wa NCIC, Samuel Kobia.
Gwitwa gwa Malala ni komiconi ino na njira nguvi ni ta kuuga ari njirari ya gutonyua mutaratarari wa andu aria mekite ciiko itagiririte undumwe na gukorwa agiocerwa makinyo ma kiwatho.
Wauguo Kobia augite komiconi ino ikathii nambere kumurika vururi mugima na gutigirira ateti matiraria miario ya gucungira mwingi mbere ya kithurano kinene mwaka muku guku akiuga andu aya matigakorwa makivitukua kuruira iti itiganite cia uteti.
Malala aririe miario ino tariki 24 mweriri vindi ya ngunguiro cia 41 cia Vihiga Cultural Festival varia ciekinyitue ni atongoria a muugano wa OKA, Musalia Mudavadi na Moses Wetangula.
Kaari wa Mugendi
Mbica irutitue online
