Itigarite mieri inana niguo ithurano nene cia vururi ciikike tariki 9 mweri wa kanana komiconi ya kuramata mivaka na ithurano IEBC nwaithiite nambere kuithema na ivingici cionthe iria ingituma gutigakorwe na ithurano iri na utheri.
Ino yukite wariria ciungano igiri iria ni Katiba institute na Africog ithiite igotiri ikithitanga IEBC, mbunge ya vururi, spika Justin Muturi na ovici ya munene wa watho niundu wa kurega gutigirira mawatho ma kambini na ma kigina kia ithurano nimavangwa mbere ya ithurano.
Kuvitukira wakiri Ochieng Dudley, Katiba Institute na Africog marenda igoti kwatha IEBC kurungamia itua riao ria tariki 8 mweri wa 10 mwaka muthiru riria riareganire na mawatho ma kuthimira kiama kana mundu kiumbe mbeca iria agatumira ithuranori kana kumenyithania kuria mundu arutite mbeca ciake cia kambini.
Mawatho mama wavo maari mathimire mundu mukovo uria angiamukira.
Kavindari wa kau, IEBC niithitangitwe niguo ndikavingiririe maavitha a thirikari aria magakorwa matatigite wira ikiuga ni gukinya tariki 9 mweri wa kairi aria maramereria mata iturwa itiganite.
Riu mateta mama makathikirirua tariki 24 mweri uyu wa mbere.
-Mbuya Ngari-
Mbica irutitwe online
