Minister wa Energy Monica Juma niuritie makinyo ma nevenya gwocwa thiini wa ruvonge ruru niguo kurigiriria kuura kwa thitima.
Juma akiaria umunthi Aramici augite makinyo mama magatethereria kuvurana na thina wa kuura kwa thitima mavinda kwa mavinda kuria gutumaga vururi wa Kenya gukorwe gutari na thitima vari mathaa matiganite.
Augite mendekithia mama ari vamwe na kunyivia marivi ma thitima na gicunji kia 15 vari igana magatigirira thitima itirekara ikiurangaga.
Jumaine kiumia giki, kambuni ya utambia wa thitima Kenya niyanirire gutura kwa thitima niundu wa kugwa kwa ikingi inya iria ikinyagia thitima raini iria cia vata muno utambiari wa thitima.
-Mbuya Ngari-
Mbica irutitwe online