Akenya aria maratura mavururi ma nja nimatumire muigana wa bilioni 421.6 mwaka muvituku makiiga rekodi njeru ya mbeca iria itumitue vanduri va mwaka umwe.
Ndumiriri kuuma bangi ya Central Bank of Kenya (CBK) ikiuga ino ni nyongerera na gicunji kia 20.2 vari igana niundu mwakari wa 2020 igikinya mweri wa December, mbeca iria ciatumitue ni muigana wa bilioni 350.9.
Mweri wa December niguo wari na mbeca nyiingi iria ciatumirue vanduri va mieri 12 mwaka muvituku varia gwatumirwe muigana wa bilioni 39.8 na iria ni rekodi njeru ya mweri.
Mbeca ino ciongererekire mweriri wa December na gicunji kia 9.5 ikiringithanua na bilioni 36.3 iria ciatumirue mweri wa ikumi na imwe.
Mwakari ucio wa 2021, vururi wa America niguo wandikithirue gicunji kinene kia mbeca iria ciatumirue guku vururiri maina gicunji kia 63.2 vari igana.
Kaari wa Mugendi
Mbica irutitue online
