Mutongoria wa kiama kia Amani National Congress (ANC), Musalia Mudavadi muthenya wegoro niuratirire mucemanio wa muugano wa One Kenya Alliance (OKA) gwitikania njira iria magatumira kuthura uria ukambararia vendera ya muugano uyu kuruira giturwa kia urais.
Gutura gwa Mudavadi thiini wa mucemanio uyu wa Elementaita nigwikirite nganja murugamo wake wa giuteti thiini wa muugano uyu wa OKA na aita mundu kiumbe. Atongoria a muugano uyu wa OKA nimaugite mari vakuvi muno gwitikaniria uria ugaukiriria vendera ya muugano uyu thiini wa kithurano kinene giukite.
Ndeto makiria ikiuga Musalia Mudavadi arari mucemaniori wa kanju nene ya kiama kia ANC kuvanga mucemanio wa atongoria a kiama giki kuuma icigo itiganite na uria ni wa kivururi varia utanyitue gwikika tariki 23 mweriri.
Mucemanio uyu wa OKA urekikire vanduri va mathaa mairi varia atongoria aya marerire aria maramanyita mbaru gukorwa makigweta uria ugaukiriria vendera ya kiama giki igikinya muthia wa mweri uyu, ino ni kuringana na mutongoria wa kiama kia Ford Kenya, Moses Wetangula.
Woni unyititue mbaru ni mwenegiti wa kiama kia KANU na senator wa Baringo Gideon Moi, akiuga nimathiite nambere kuruta wira gukinyaniria undu uyu.
Kaari wa Mugendi
Mbica irutitue online