Mundumurume wa ukuru wa miaka 27 na uria wekinyirie mbere ya maavitha a vorithi vuva wa ndumiriri kuuga ari umwe wa ekuirwa mugwanja a ntharikiro cia ugaidi niurekereretwe.
Mundumurume uyu na uria uramenyekana ta Robert Gathongo Ngunjiri ekinyirie mbere ya maavitha a vorithi muthenya wa alamisi vuva wa mbica yake kuthiururuka ni umwe wa aria maavitha a vorithi maracarania nao.
Komanda wa sub-county ya Nyeri Paul Kuria na uria wiigite varaca na ndeto ino augite ndeto iria irakuruvania Ngunjiri na ugaidi itiaumire oviciri yake nwati oviciri ya maavitha a kuthuthuria wiki nai [DCI].
Wauguo Kuria augite mundumurume uyu athitagitwe na mavitia ma wii wa kiavinya mwaka wa 2014 nwati akirekererwa vuva wa gucokia cira riko.
Na riu athuthuria a wiki nai maracarania na Abdurahman Hija na ritwa ria gutwirwa Mnubi na uria wikaraga kauntiri ya Nyeri na uria urekuirwa gukorwa ari umwe wa ekuirwa a ugaidi tauniri ya Nyeri.
Hija wauguo arekuirwa gukorwa atorokere Somalia na kwiingiria gikundiri kia Al-shabaab mbere ya acokete vururi wa Kenya mwaka wa 2016.
Maavitha a kuthuthuria eki nai wauguo maraugite Ngunjiri ari umwe wa ekuirwa anana na aria matumitwe ni gikundi kia Al-shabaab vururiri wa Kenya niguo kunyita andu migwate.
Ekuirwa engi aria maracaranwa nao ni Abdikadir Mohamed Abdikadir na uria arerikana gukorwa agikiruvanwa na kuvanga ntharikiro cia Dusit mwaka wa 2019 na 2020 wa undumwe na ,Peter Gichungu, Mohamud Abdi, Kassim Musa, Mohamed Ali Hussein, Ahmed Mohamed, na Erick Njoroge.
-Mwende Jackie
-Mbica irutitwe online
